the first place

უბედნიერესი ვარ, როგორც იქნა დასრულდა კონკურსი, რომლის ფარგლებშიც ჩემი მოკრძალებული ბლოგი დაიბადა. ჩემს კატეგორიაში ( ჯანსაღი ცხოვრების ადვოოკატი) ბლოგმა პირველი ადგილი დაიკავა. უბედნიერესი ვარ, რადგან დამიფასდა რამდენიმეთვიანი მართლა მძიმე შრომა. მინდა აღვნიშნო, რომ ეს გამარჯვება, პირველ  რიგში, თქვენი, ჩემი მკითხველის აქტიურობის დამსახურებაა. მადლობა ყველას ვინც ერთხელ მაინც უბრალოდ თვალი გადაავლეთ ჩემს პოსტებს, კიდევ უფრო დიდი მადლობა მათ ვინც კითხულობდა და აქტიურობდა, გამოთქვავდა საკუთარ აზრებს. უღრმესი მადლობა ph international-ს, ბილიკს, რომელიც ყოველთვის ჩვენს გვერდითაა და დიდ როლს თამაშობს თითოეული ამ კონკურსის და პროგრამის მონაწილე ბავშვების ცხოვრებაში.  მადლობა ჟანა ეგაძეს, რომელიც ყველა კითხვას პასუხობდა და გვეხმარებოდა სხვადასხვა საკითხში. ვულოცავ ჩემს მეგობრებს, რომლებმაც ჩემთან ერთად წარმატებას მიაღწიეს მედეას, თაკოს და მაკოს. ძალიან მიყვარხართ. ეხლა კი ამ  ემოციურად დატვირთულ სამადლობელს თვენი ნებართვით დავასრულებ. ( გაგიჟებული და ბედნიერიიი ვაააარ,,, ურაააა)

chaT..

მოგესალმებით ჩემო კარგებო. ჩემს ბლოგზე  საუბრებისa და საკუთარი აზრის გამოთქმის კატეგორია საკმაოდ კარგად მუშაობს და ეს მახარებს. ეხლა მინდა კვლავ იმატოს აქტიურობამ და თქვენი აზრი დააფიქსიროთ შემდეგ კითხვაზე.

ბევრი კითხულობს ჩემს ბლოგს და ყოვედღიურად ეცნობა სიახლეებს, ზოგიც უბრალოდ თვალს ავლებ, ეს ჩვეულებრივი მოვლენაა. მაინტერესებს რას ნიშნავს თქვენთვის ჯანსაღი ცხოვრების წესი, რამდენად მნიშვნელოვან ადგილს იკავებს თქვენს ყოველდღიურობაში და გეხმარებათ თუ არა ჩემი ბლოგის თემები, უფრო მეტი გაიგოთ და გამოიყენოთ პრაქტიკაში?

TOP 10 საჭმელი, რომელიც კარგ ხასიათზე დაგაყენებს

ამ ბოლო დროს ხშირად ვარ ცუდ ხასიათზე, ალბათ გადაღლილობის ბრალია. ხშირად მეგობრებს და მუსიკას გამოვყავარ მდგომარეობიდან, მაგრამ ახლახან წავაწყდი სტატიას, რომელიც კიდევ ერთი დამატებითი საშუალებაა დადებითი განწყობის შექმნისთვის და ამასთანავე ჯანსაღ კვებასაც გვპირდება.ზოგიერთი საჭმლის ჭამა ადამიანთა ჯანმრთელობას აუარესებს და ასევე შეიძლება ცუდ ხასიათზეც კი დაგვაყენოს. ხოლო როცა ვიტამინებით და მინერალებით სავსე საჭმელს მიირთმევთ, თქვენს ჯანმრთელობასაც არგებთ და კარგ ხასიათზეც მოხვალთ:)

10. შვეიცარული მსხალი

ეს კერძი შეიცავს დიდი რაოდენობით მაგნიუმს. მაგნიუმი საკვებს ნოყიერს ხდის და გარდა ამისა ის არის განუყოფელი ნაწილი იმ ბიოქიმიური რეაქციებისა, რომლებიც ზრდიან ადამიანის ენერგიას. 2009 წელს “Australian and New Zealand Journal of Psychiatry”-ში გამოქვეყნებულ კვლევაში დაადგინეს, რომ მაგნიუმის ნაკლებობა ადამიანის სხეულში იწვევს დეპრესიას.

9. ლურჯი კარტოფილი( არ მსმენია მსგავსი კარტოფილის შესახებ არასდროს)

ეს პროდუქტი მთელი მსოფლიოს მაშტაბით მაღაზიებში ძნელი საპოვნელია. თუმცა, ის შეიცავს ძლიერ ანტიოქსიდანტებს- ანტოციანინებს. ანტოციანინი უზრუნველყოფს ნეირონთა დაცვას და ასევე იცავს ტვინს ანთებისგან. ლურჯი კარტოფილი ადამიანს იცავს დეპრესიისგან და სკლეროზისგან. ეს პროდუქტი უზრუნველყოფს ფარისებრი ჯირკვლის მწყობრ მუშაობას და სხეულს ამარაგებს იოდით.

სიმსუქნის შენიღბული თვისებები

ქრონიკული გამოუძინებლობა
მუდმივად გამოუძინებელი ადამიანის ორგანიზმი კარგავს ძალების სრულფასოვანი აღდგენის და ენერგეტიკული მარაგის რაციონალური გამოყენების უნარს. სტრესი, ნებისმიერი ექსტრემალური სიტუაცია, პროვოცირებას უწევს ცხიმების დაგროვებას, რადგან იმ ჰორმონთა დიდი ნაწილი, რომლებიც მადას აქვეითებს და ცხიმების წვას იწვევს, მთელი დატვირთვით სწორედ მაშინ მუშაობს, როდესაც გვძინავს.

 როგორ მოვიქცეთ?

 -აუცილებელია გამოძინება, თხუთმეტ წუთიანი სრულფასოვანი ძილიც კი საგრძნობლად უწყობს ხელს ამ პრობლემის მოგვარებას. აუმჯობესებს განწყობას, ზრდის შრომის უნარს და აქვეითებს მადას.

ჭარბი წონის მართვა- მაყვალა მაისურაძე

ჭარბი წონა, სიმსუქნე და მოხდენილი სხეულისკენ სწრაფვა დღევანდელი საზოგადოების ერთ-ერთი მნიშვნელოვანი პრობლემაა.  ჩვენ ვიცავთ დიეტებს, ვზღუდავთ კვების რაციონს, მაგრამ საინტერესოა რას  ფიქრობენ ამაზე მედიცინის წარმომადგენლები ისევ და ისევ. მოვუსმინოთ ოჯახის ექიმ მაყვალა მაისურაძეს. მას შემდეგ რაც მან გაიგო ჩემი ბლოგის მთავარი მიზნის და მნიშველობის შესახებ საკუთარი ინიაციატივით გვესაუბრა  თუ როგორ უნდა ვაკონტროლოთ სიმსუქნე.

ინტერვიუ ოჯახის ექიმ, მაყვალა მაისურაძესთან

ვირუსული დაავადებები და მის წინააღმდეგ ბრძოლა ერთ-ერთი უმნიშვნელოვანესი პრობლემაა დღესდღეობით. ყოველდღიურად შიდსით და ცე ჰეპატიტით უამრავი ადამიანი იღუპება. საინტერესოა რას ფიქრობენ ამ თემის ირგვლივ მედიცინის წარმომადგენლები. ინტერესი რომ დამეკმაყოფილებინა ვეწვიე სურამის პოლიკლინიკას და ინტრევიუ ავიღე ოჯახის ექიმ მაყვალა მაისურაძისგან. დანარჩენი კი იხილეთ ვიდეოს სახით( ხარიხის გამო ნუ გამკიცხავთ, მთავარია იდეა)

რაში გვეხმარება საკვები?

საკვები ზრდისა და განვითარების უმნიშვნელოვანესი ატრიბუტია, მაგრამ არის კონკრეტული საკითხები, რომელსაც განსაკუთრებულად აუმჯობესებს ესა თუ ის საკვები.

რაში გვეხმარება საკვები?

მეხსიერება

სტაფილო

სტაფილო ასტიმულირებს ტვინში ნივთიერებათა ცვლას და აუმჯობესებს მეხსიერებას, განსაკუთრებით აადვილებს დაზეპირებას.
ანანასი მსახიობებისა და მუსიკოსების საყვარელი ხილია. მას, ვისაც დიდი მოცულობის ტექსტის დამახსოვრება უწევს, ბევრი ც ვიტამინი სჭირდება, ანანასში კი ის უხვად არის. გარდა ამისა, ეს ხილი თითქმის უკალორიოა – 100 გრამის ენერგეტიკული ღირებულება სულ 56 კილოკალორიას უდრის, ამიტომ პრაქტიკულად არ ასუქებს. მეხსიერების გასაუმჯობესებლად საკმარისია დღეში ერთი ჭიქა ანანასის წვენი.
ავოკადო
ავოკადო მდიდარია ცხიმოვანი მჟავებით, რის წყალობითაც ხანმოკლე მეხსიერების ენერგიის წყაროს წარმოადგენს (მაგალითად, გეგმის შედგენისას ან პროდუქტების სიის ჩამოწერისას რამე რომ არ გამოგვრჩეს). ეფექტისთვის დღეში ნახევარი ავოკადო საკმარისია.

მარადიული ახალგაზრდობა რომ შეინარჩუნოთ

იაპონელები საშუალოდ 79 წელს ცოცხლობენ, ავსტრალიელები, ბერძნები, კანადელები და შვედები – 78 წლამდე; გერმანელები და ამერიკელები დაახლოებით 76 წელს. დანარჩენ ქვეყნებში კი სიცოცხლის ხანგრძლივობა თანდათანობით იკლებს. ექიმების, ფსიქოლოგებისა და დიეტოლოგების საერთაშორისო ჯგუფმა რამდენიმე მეთოდი შეიმუშავა, რომელიც ადამიანებს სიცოცხლეს უხანგრძლივებს და ცხოვრებას უფრო სასიამოვნო ელფერს სძენს.
–  ზომაზე მეტად ნუ დანაყრდებით
ჩვეული 2500 კალორიის ნაცვლად, 1500 კალორიას დასჯერდით. ნუ იშიმშილებთ, მაგრამ იკვებეთ ზომიერად.
მენიუ ასაკის შესაფერისი უნდა იყოს
30 წელს მიღწეულ ქალბატონებს პირველი ნაოჭები გაცილებით გვიან გაუჩნდებათ, თუ რეგულარულად მიირთმევენ ღვიძლს და თხილს. 40 წელს გადაცილებულებს ბეტაკაროტინი ესაჭიროებათ; 50 წლის ზემოთ აუცილებელია კალციუმის დოზის გაზრდა (ძვლებისთვის) და მენიუში მაგნიუმის ჩართვა (გულისთვის).

მოვიშოროთ ცელულიტები

ზედმეტი კილოგრამების დასაგროვებლად ზამთარი ყველაზე „შესაფერისი“ დროა.
სამწუხაროა, მაგრამ ფაქტია: გვაქვს ზედმეტი წონა – ესე იგი, გვაქვს შეშუპება და ცელულიტის ბორცვები. ეს კი იმას ნიშნავს, რომ დადგა დრო, გადამწყვეტი ზომები მიიღოთ მათგან თავის გასათავისუფლებლად.
პირველი ნაბიჯი, რა თქმა უნდა, გახდომაა. ჭკვიანურად შერჩეული დიეტა ზედმეტ კილოგრამებს კი მოგვაშორებს, მაგრამ ცელულიტთან ბრძოლას გახდომის პარალელურად უნდა შევუდგეთ(დიეტები შეგიძლიათ იხილოთ იდენტური სახელის მქონდე კატეგორიაში აირჩიეთ და დაიწყეთ ცელულიტებთაბ ბრძოლა)
ყველაზე მარტივი მასაჟორებით შეგვიძლია, შესანიშნავი შედეგი მივიღოთ – პრობლემური ადგილების თვითმასაჟით შევამციროთ ჩვენი სხეულის ან ამა თუ იმ მონაკვეთის გარშემოწერილობა, დავშალოთ ცელულიტის ბორცვები და გავიკეთოთ ლიმფოდრენაჟი.
სასურველია, მასაჟორი, რომელსაც თვითონაც ადვილად მოიხმართ, ხისგან იყოს დამზადებული. ხის გორგოლაჭი უნდა ამოძრაოთ სხეულზე ქვემოდან ზემოთ, ოდნავი დაწოლით, რათა კანი არ გაგილურჯდეთ.

დავეხმაროთ ხელებს

ხელების მოვლა ერთ-ერთი მნიშვნელოვანი ჰიგიენური პროცესია, ზოგადად  სუფთა და მოვლილი ხელი ნაზი კანით სასიამოვნო გრძნობას აღძრავს ადამიანში და დადებითან განგვაწყობს პიროვნების მიმართ. ბევრი ადამიანი, როდესას გაიცნობს ხოლმე უცხო პიროვნებას,  ხელებს აკვირდება, რადგან სხეულის ეს ნაწილი ბევრ უტყუარ ცნობას გვაძლევს მის პატრონზე .

  სადღესასწაულო დღეებში ყველაზე დიდი ჯაფა სწორედ ხელებს ადგება, ამიტომ დახმარებასაც, უპირველეს ყოვლისა, ისინი საჭიროებენ.დღესდღეობით კანის გაწმენდისთვის უამრავი საშუალება არსებობს, ერთ-ერთი მათგანის მომზადება თვითონაც შეგიძლიათ სახლის პირობებში.

აიღეთ 1 სუფრის კოვზი მარილი (სუფრის ან ზღვის) და აურიეთ 1 სუფრის კოვზ მცენარეულ ზეთში. მასაში დაასველეთ ბამბის ტამპონი და ნაზად შეიზილეთ ხელებში. მარილი მოაცილებს კანს გარქოვანებულ ნაწილებს, ხოლო მცენარეული ზეთი არა მარტო ხელს შეუშლის კანის გაღიზიანებას, არამედ საკმაოდ ეფექტურად დაარბილებს კიდეც.
B და C ჯგუფის ვიტამინები კანს ელასტიკურობას უნარჩუნებს. ისინი საკმაო რაოდენობითაა სიბერის საწინააღმდეგო საშუალებებში. ვიტამინები აჩქარებს კანის უჯრედების განახლების პროცესს, ამცირებს გაღიზიანებას, სიწითლეს და ნაოჭების წარმოშობას. ასევე მკვეთრად აუფერულებს ასაკობრივ ლაქებს.